Մադրիդի «Ռեալի» գլխավոր մարզիչ Կառլո Անչելոտտին մեկնաբանել է Լա Լիգայի խաղում «Լեգանեսի» նկատմամբ տարած հաղթանակը (3-2)։
«Առաջին խաղակեսում, երբ մենք հաշվի մեջ առաջ անցանք 11 մետրանոցից հետո, մենք հավասարակշռության պակաս չունեինք, քանի որ թիմը ճիշտ դիրքեր չէր ընտրում, բայց երկրորդ խաղակեսում մենք լավ խաղացինք և շրջեցինք խաղը։
Ինչպես «Լեգանեսը», մենք նույնպես կարող ենք բողոքել, քանի որ երբ հաշիվը 1-2 էր, Բրահիմի նկատմամբ խախտում էր տեղի ունեցել։ Ես չեմ տեսել Բելինգհեմի դրվագը։ Մրցավարը կայացրեց իր որոշումները, վերջ։
Չեմ կարող հիշել մի խաղ, որտեղ մենք խնդիրներ չունենանք։ Հեշտ խաղեր չկան, և մենք դա հիանալի հասկանում ենք։ Դա խնդիր չէ։
Ինչ վերաբերում է Մբապպեին, որը երկու գոլ խփեց, ապա նա շատ լավ է խաղում և տարբերություն է ստեղծում։ Սա հենց այն է, ինչ մենք ուզում ենք նրանից։ Երեկ նա ուժերը փորձեց տուգանային հարվածներում ու շատ արդյունավետ էր գործում, իսկ այսօր մենք վստահեցինք նրան»,- Անչելոտտիի խոսքերն է մեջբերում Mundo Deportivo-ն։
