«Բարսելոնայի» հոլանդացի կիսապաշտպան Ֆրենկի դե Յոնգը կարող է բաց թողնել Իսպանիայի առաջնության «Ժիրոնայի» դեմ առաջիկա հանդիպումը։ Այս մասին հայտնում է հեղինակավոր լրագրող Խավի Միգելը։
Աղբյուրի տեղեկություններով՝ Դե Յոնգի մոտ ախտորոշվել է ադուկտորային լարվածություն, ինչի պատճառով մարզչական շտաբը կարող է խաղացողին հանգիստ տալ «Ժիրոնայի» հետ խաղում՝ նկատի ունենալով Մադրիդի «Ատլետիկոյի» դեմ գավաթային հանդիպումը։
Այս մրցաշրջանում 27-ամյա կիսապաշտպանը բոլոր մրցաշարերում մասնակցել է 30 հանդիպման, դարձել երկու գոլի և մեկ գոլային փոխանցման հեղինակ։
Լա Լիգայի 29-րդ տուրի «Բարսելոնա» – «Ժիրոնա» խաղը կկայանա մարտի 30-ին, և կմեկնարկի Երևանի ժամանակով 18։15-ին։
