«Բարսելոնան» ցանկանում է երկարաձգել պայմանագիրը պաշտպան Ժյուլ Կունդեի հետ, որով հետաքրքրված է «Չելսին»։
Այս մասին հայտնում է Sport.es-ը։
Աղբյուրի տեղեկություններով՝ ֆրանսիացի ֆուտբոլիստը երջանիկ է կատալոնական ակումբում և ցանկանում է երկար տարիներ մնալ այնտեղ։ Միաժամանակ խաղացողը հասկանում է, որ «Չելսիում» կարող է խաղալ իր նախընտրած կենտրոնական պաշտպանի դիրքում, ինչպես նաև ավելի շատ վաստակել։
Այս մրցաշրջանում Կունդեն բոլոր մրցաշարերում անցկացրել է 44 հանդիպում՝ դառնալով երեք գոլի և ութ գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ ուժի մեջ է մինչև 2027 թվականի ամառը։
