«Միլանի» հարձակվող Ռաֆայել Լեաուն շարունակում է մնալ «Չելսիի» տրանսֆերային նպատակների թվում։ Լոնդոնցիները մի քանի ամիս է, ինչ ուսումնասիրում են պորտուգալացու ամառային տրանսֆերի հնարավորությունը:
«Միլանի» դիրքորոշումը մնում է նույնը՝ 100 միլիոն եվրոյից պակաս առաջարկները կմերժվեն առանց քննարկման: Լրագրող Դանիելե Լոնգոյի խոսքով՝ լոնդոնցիները տեղյակ են ռոսոներիների պահանջներին, սակայն հույսը դնում են գործակալ Ժորժե Մենդեշի աջակցության վրա, ով, ամենայն հավանականությամբ, կօգնի պարզեցնել բանակցությունները։
Ռաֆայել Լեաոյի պայմանագիրը «Միլանի» հետ նախատեսված է մինչև 2028 թվականի կեսերը, իսկ Transfermarkt պորտալում նրա գնահատված արժեքը կազմում է 75 միլիոն եվրո: Այս մրցաշրջանում 25-ամյա ֆուտբոլիստը 40 խաղում դարձել է տասը գոլի և 9 գոլային փոխանցման հեղինակ:
