Պրեմիեր Լիգայի ակումբները համաձայնեցրել են ամառային տրանսֆերային պատուհանի ժամկետները։ Այս մասին հայտնում է Պրեմիեր Լիգայի պաշտոնական կայքը։

«Տրանսֆերային պատուհանը կբացվի հունիսի 1-ից մինչև հունիսի 10-ը՝ ՖԻՖԱ-ի ակումբային աշխարհի առաջնության հետ կապված գրանցման բացառիկ ժամանակահատվածի պատճառով։ Այնուհետև այն կվերաբացվի՝ հունիսի 16-ին և կփակվի՝ սեպտեմբերի 1-ին»,- ասվում է հաղորդագրության մեջ։

Հունիսի 15-ից հուլիսի 13-ը ԱՄՆ-ում կանցկացվի 2025 թվականի Ֆուտբոլի աշխարհի ակումբային առաջնությունը, որում առաջին անգամ կխաղան 32 թիմեր։ Պրեմիեր Լիգան ներկայացնող մասնակիցների թվում կլինեն «Մանչեսթեր Սիթին» և «Չելսին»։