«Լիվերպուլը» մտադիր է ամռանը ձեռք բերել «Յուվենտուսի» պաշտպան Անդրեա Կամբիասոյին։ Այս մասին հայտնում է Gazzetta dello Sport-ը։
Ըստ աղբյուրի, մերսիսայդցիները 25-ամյա խաղացողին դիտարկում են որպես Տրենտ Ալեքսանդր-Առնոլդի փոխարինող, ով կարող է տեղափոխվել Մադրիդի «Ռեալ»։
Ավելի վաղ լրագրող Սաշա Տավոլերին հայտնել էր, որ Ալեքսանդր-Առնոլդը մադրիդյան ակումբի հետ պայմանավորվել է հինգ տարվա պայմանագիր ստորագրելու շուրջ, որն ուժի մեջ կմտնի հուլիսի 1-ից, երբ պաշտպանը դառնա ազատ գործակալ։
Կամբիասոն «Յուվենտուսում» հանդես է գալիս 2022 թվականից։ Այս մրցաշրջանում նա բոլոր մրցաշարերում անցկացրել է 35 հանդիպում՝ դառնալով 2 գոլի և 3 գոլային փոխանցման հեղինակ։
