Հայտնի է դարձել, թե «Ատալանտան» ինչ գումարով է պատրաստ ամառային տրանսֆերային պատուհանում բաց թողնել իր հարձակվող Ադեմոլա Լուկմանին։
Ինչպես հայտնում է Tuttomercato-ն, Բերգամոյի թիմը կարող է բաժանվել նիգերիացի ֆուտբոլիստից, եթե ստանա 60 միլիոն եվրոյի առաջարկ:
Լուկմանի նկատմամբ լուրջ հետաքրքրություն են ցուցաբերում «Մանչեսթեր Յունայթեդն» ու «Նյուքասլը», նշում է աղբյուրը։
Այս մրցաշրջանում 27-ամյա հարձակվողը բոլոր մրցաշարերում անցկացրած 32 խաղում դարձել է 18 գոլի հեղինակ։
