«Բավարիայի» և Կանադայի հավաքականի պաշտպան Ալֆոնսո Դևիսը խաչաձև կապանների պատռվածք է ստացել ԿՈՆԿԱԿԱՖ-ի Ազգերի լիգայի՝ ԱՄՆ-ի հավաքականի դեմ խաղում (2-1)։ Այս մասին հայտնում է Bild-ը։
Աղբյուրի տեղեկություններով՝ ֆուտբոլիստը վնասվածքի պատճառով բաց կթողնի մոտ վեց ամիս։ Նա փոխարինվել է հանդիպման 12-րդ րոպեին։
Գերմանական Բունդեսլիգայի ընթացիկ մրցաշրջանում 24-ամյա Դևիսը անցկացրել է 19 հանդիպում՝ դառնալով մեկ գոլի և երկու գոլային փոխանցման հեղինակ։
«Բավարիան» Գերմանիայի առաջնության մրցաշարային աղյուսակում առաջին տեղում է։ Թիմը 26 խաղում վաստակել է 62 միավոր։
