«Ֆլամենգոյի» 33-ամյա բրազիլացի կենտրոնական պաշտպան Դանիլոն, ով նախկինում հանդես է եկել Մադրիդի «Ռեալում», «Յուվենտուսում» և «Մանչեսթեր Սիթիում», խոսել է անգլիական ակումբի գլխավոր մարզիչ Պեպ Գվարդիոլայի մասին։
«Պեպ Գվարդիոլան ֆուտբոլիստներ է մարզում։ Սա նրա աշխատանքում ամենակարևորն է։ Նա ստիպում է բոլոր ֆուտբոլիստներին նույն կերպ մտածել ֆուտբոլի մասին։ Ժամանակ, տարածություն, շարժում, գնդակի կառավարում։
Նա ստիպում է ձեզ հասկանալ տարածքը խաղադաշտում այնպես, ինչպես ոչ մի մարզիչ և զգացմունքային կերպով զգալ խաղը, ինչպես ոչ մի մարզիչ։ Գվարդիոլան լավ իմաստով լվացել է իմ ուղեղը։ Կարծես համալսարանում էի։ Այն, ինչ ես ապրեցի, ինձ թույլ տվեց բարելավել իմ մակարդակը և պահպանել այն մինչ օրս։
Այնպես չէ, որ ես ապուշ էի «Մանչեսթեր Սիթիից» առաջ, բայց ես հասկացա, որ ամբողջովին սխալ եմ ֆուտբոլ խաղում։ Եթե ես նրան ավելի վաղ հանդիպեի, նա շատ կհեշտացներ իմ կյանքը։ Ես այնքան ուրախ եմ, որ կարողացա խաղալ նրա գլխավորությամբ և սովորել նրանից»,- Դանիլոյի խոսքերն է մեջբերում City Xtra-ն։
