Լոնդոնի «Արսենալը» աշխատում է Լիսաբոնի «Սպորտինգի» հարձակվող Վիկտոր Գյոկերեսի հետ պայմանագիր կնքելու ուղղությամբ: «Զինագործները» 26-ամյա խաղացողի մի շարք պոտենցիալ ձեռք բերողների թվում են:

Ինչպես հայտնում է TEAMtalk-ը, «Արսենալը» պաշտոնական հանդիպում է նշանակել շվեդի գործակալի հետ: Ենթադրվում է, որ աստղային հարձակվողի ներկայացուցիչը Միկել Արտետայի ընկերն է:

Transfermarkt-ի տվյալներով՝ Վիկտոր Գյոկերեսի արժեքը կազմում է 75 միլիոն եվրո։ Այս մրցաշրջանում ֆուտբոլիստը «Սպորտինգի» կազմում անցկացրած 41 խաղում դարձել է 40 գոլի և 10 գոլային փոխանցման հեղինակ։