Մադրիդի «Ռեալի» ավստրիացի պաշտպան Դավիդ Ալաբան առաջիկա ամռանը կարող է հեռանալ «արքայական» ակումբից։ Այս մասին հայտնում է Defensa Central-ը։
Աղբյուրի համաձայն՝ «Ռեալը» պատրաստ է Ալաբային վաճառել ընդամենը 5-6 միլիոն եվրոյով։ Սակայն ակումբը միայն նրա ցանկության դեպքում կքննարկի հնարավոր տրանսֆերը։ Բացի այդ, եթե Ալաբան հեռանա մինչև 2025/26 մրցաշրջանը, ակումբը կարող է խնայել 23 միլիոն եվրո նրա աշխատավարձից։
Ընթացիկ մրցաշրջանում պաշտպանը «սերուցքայինների» կազմում մասնակցել է 9 հանդիպման։
