«Մանչեսթեր Սիթին» և «Մանչեսթեր Յունայթեդը» պատրաստվում են պայքարել «Քրիստալ Փելեսի» 21-ամյա կիսապաշտպան Ադամ Ուորթոնի համար։ Այս մասին հայտնում է TEAMtalk-ը։

Ավելի վաղ Daily Mail-ը հայտնել էր, որ անգլիական ակումբը 21-ամյա խաղացողին գնահատում է 70 միլիոն ֆունտ։

Ընթացիկ մրցաշրջանում Ուորթոնը բոլոր մրցաշարերում անցկացրել է 17 հանդիպում, սակայն արդյունավետ գործողություններով աչքի չի ընկել։ Ֆուտբոլիստի աշխատանքային պայմանագիրն ակումբի հետ ուժի մեջ է մինչև 2029 թվականի ամառը։

Transfermarkt-ը ֆուտբոլիստի արժեքը գնահատում է 35 միլիոն եվրո։