Transfermarkt հեղինակավոր պորտալի փորձագետները վերջին օրերին ակտիվորեն թարմացնում են ֆուտբոլիստների գնային արժեքները։

Այսպիսով, ուրբաթ օրը փոխվել է Մադրիդի «Ռեալի» հարձակվող Կիլիան Մբապպեի գնահատված արժեքը։ Ընդամենը երեկ ֆրանսիացին գնահատվում էր 160 միլիոն եվրո, սակայն այժմ նրա գինը 170 միլիոն է։ Դա նշանակում է, որ Մբապպեն թանկացել է:

Կիլիան Մբապպեն մոլորակի ամենաթանկարժեք ֆուտբոլիստների շարքում հինգերորդն է։ Նրանից թանկ են Ջուդ Բելինգհեմը (180 միլիոն եվրո), Լամին Յամալը (180 միլիոն եվրո), Վինիսիուս Ջունիորը (200 միլիոն եվրո) և Էրլինգ Հալանդը (200 միլիոն եվրո): 2024/2025 մրցաշրջանում Կիլիան Մբապեն անցկացրել է 43 հանդիպում՝ դառնալով 30 գոլի հեղինակ։