Սըր Ալեքս Ֆերգյուսոնը կվերադառնա մարզչի դերին մեկ խաղով։ Խոսքը, իհարկե, մարզչական կարիերան վերսկսելու մասին չէ. շոտլանդացին Ջուզեպպե Ռոսսիի հրաժեշտի հանդիպման ժամանակ պարզապես հանդես կգա որպես մարզիչ: Այս մասին հայտնում է Goal-ը։
Միջոցառումը տեղի կունենա այս շաբաթավերջին Ֆլորենցիայում՝ «Արտեմիո Ֆրանչի» մարզադաշտում։ Հարկ է նշել, որ Ջուզեպպե Ռոսին հանդես է եկել «Մանչեսթեր Յունայթեդի» երիտասարդական թիմում և 14 պաշտոնական խաղ անցկացրել առաջին թիմի կազմում։
Ալեքս Ֆերգյուսոնը մարզչական կարիերան ավարտել է 2013 թվականին։ Այդ ժամանակից ի վեր «Մանչեսթեր Յունայթեդը» երբեք չի դարձել Անգլիայի չեմպիոն։
