Հարձակվող Խուլիան Ալվարեսը վերջին ժամանակներս մշտական տրանսֆերային քննարկումների թիրախ է:
Տեղեկություններ կային, որ «Լիվերպուլը» պատրաստ է 100 միլիոն եվրո վճարել 25-ամյա արգենտինացու համար։ Սա, ըստ երեւույթին, բավարար չէ։
Ինչպես հայտնում է TEAMtalk-ը, Ալվարեսի տրանսֆերի համար պոտենցիալ գնորդը պետք է պատրաստ լինի «Ատլետիկոյին» վճարել 200 միլիոն եվրո: «Ատլետիկո» տեղափոխվելուց հետո Խուլիան Ալվարեսը 44 պաշտոնական հանդիպում է անցկացրել՝ դառնալով 23 գոլի և 5 գոլային փոխանցման հեղինակ։
Իսպանիայի առաջնության մրցաշարային աղյուսակում «Ատլետիկոն» այժմ զբաղեցնում է երրորդ տեղը:
