Մադրիդի «Ռեալի» և թիմի հարձակվող Վինիսիուս Ժունիորի միջև բանակցությունները ֆուտբոլիստի նոր աշխատանքային պայմանագրի շուրջ շարունակվում են։ Այս պահին բանակցությունները վերջնական փուլ չեն մտել։ Այս մասին հայտնում է Sport.es-ը։
Աղբյուրի համաձայն՝ նոր պայմանագրով բրազիլացի ֆուտբոլիստը աշխատավարձի բարձրացում է ստանալու, որը չափավոր կլինի և թիմում չի խախտի աշխատավարձերի հավասարակշռությունը։
Ընդգծվում է, որ Վինիսիուսի հնարավոր աշխատավարձի բարձրացումը չպետք է հարցեր առաջացնի «Լոս Բլանկոսի» մյուս աստղային ֆուտբոլիստների շրջանում, ինչպիսիք են Կիլիան Մբապպեն և Ջուդ Բելինգհեմը։
Նշենք, որ մադրիդյան թիմը նույնպես աշխատում է պայմանագրում ազատման կետ ներառելու վրա: Վինիսիուսի գործող պայմանագիրը Մադրիդի «Ռեալի» հետ նախատեսված է մինչև 2027 թվականի ամառ։
Ավելի վաղ հաղորդվում էր, որ հարձակվողը իսպանական գրանդում տարեկան վաստակում է մոտ 15 միլիոն եվրո:
