«Ասթոն Վիլան» հետաքրքրված է «Չելսիի» 25-ամյա հարձակվող Ժոաու Ֆելիշի ծառայություններով, ով վարձավճարով հանդես է գալիս «Միլանում»: Այս մասին հայտնում է TEAMtalk-ը։
Աղբյուրի փոխանցմամբ՝ այս պահին լոնդոնյան ակումբը չի ցանկանում վաճառել պորտուգալացի ֆուտբոլիստին, ուստի հաջորդ մրցաշրջանում կարող է նրան կրկին վարձավճարով բաց թողնել։
Իր հերթին, «Ասթոն Վիլան» ցանկանում է, որ Ֆելիշը տեղափոխվի մշտական հիմունքներով, սակայն հարձակվողի աշխատավարձը կարող է խոչընդոտ հանդիսանալ ակումբի համար:
Այս մրցաշրջանում Ֆելիշը բոլոր մրցաշարերում անցկացրել է 30 հանդիպում՝ դառնալով ութ գոլի և երեք գոլային փոխանցման հեղինակ։
Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2031 թվականի ամառը:
