«Լիվերպուլի» կենտրոնական պաշտպան Վիրջիլ վան Դեյկը կարող է հեռանալ Մառախլապատ Ալբիոնից 2024/2025 մրցաշրջանի ավարտից հետո։ Այս մասին հայտնում է Get French Football News-ը։ Աղբյուրի համաձայն՝ հոլանդացի ֆուտբոլիստը հակված է MLS տեղափոխվելուն՝ չնայած Սաուդյան Արաբիայի շահավետ առաջարկներին:

Վան Դեյկի գործող պայմանագիրը մերսիսայդյան գրանդի հետ ավարտվում է ընթացիկ մրցաշրջանի ավարտին։ Ավելի վաղ հաղորդվում էր, որ Մյունխենի «Բավարիան» հրաժարվել է պայմանագիր կնքել փորձառու պաշտպանի հետ։ Ընթացիկ մրցաշրջանում Վիրջիլը «Լիվերպուլի» կազմում անցկացրել է 41 հանդիպում:

Հոլանդացին դարձավ երեք գոլի և մեկ գոլային փոխանցման հեղինակ։