«Ինտեր Մայամիի» պաշտոնական կայքը հայտարարություն է տարածել թիմի ավագ Լիոնել Մեսսիի վիճակի վերաբերյալ։
Արգենտինացու մոտ ախտորոշվել է ազդրի մկանի թեթև վնասվածք:
Ավելի վաղ Լեոն չէր ընդգրկվել Արգենտինայի հավաքականի վերջնական հայտացուցակում՝ ԱԱ-2026-ի ընտրական փուլի Ուրուգվայի և Բրազիլիայի դեմ խաղերի համար։
«Այսօր առավոտյան Մեսսին հետազոտության է ենթարկվել՝ գնահատելու ազդրի մկանի անհարմարության աստիճանը, որը նա զգացել է «Ատլանտա Յունայթեդի» դեմ խաղի ժամանակ (2-1):
Հետազոտության արդյունքները հաստատել են ադուկտորային մկանի թեթև վնասվածքի առկայությունը։ Նրա կլինիկական առաջընթացը և բուժման արձագանքը կորոշեն նրա պատրաստակամությունը մրցելու համար»,- ասվում է ակումբի հայտարարության մեջ:
