Մադրիդի «Ռեալի» հարձակվող Կիլիան Մբապեն մեկնաբանել է այս տարվա իր հաջողությունները:
26-ամյա ֆրանսիացի աստղը հաղթանակ բերեց իր թիմին Լա լիգայի շաբաթ օրը կայացած «Վիլյառեալի» դեմ խաղում (2:1)՝ դառնալով երկու գոլի հեղինակ։ Ընթացիկ մրցաշրջանի 44 խաղում հարձակվողն այժմ 31 գոլի հեղինակ է դարձել:
«Ես ինձ հիանալի եմ զգում։ 2025 թվականն ինձ համար չափազանց հաջող տարի է դառնում թիմային և անհատական մակարդակով: Ցանկանում եմ օգնել «Ռեալին» հաղթել և հուսով եմ, որ ավելի շատ հաջողության կհասնեմ միջազգային դադարից հետո»,- հարցազրույցներից մեկում ասել է Մադրիդի «Ռեալի» խաղացողը:
Կիլիան Մբապպեն Լա լիգայի երկրորդ լավագույն ռմբարկուն է 20 գոլով՝ զիջելով միայն Ռոբերտ Լևանդովսկուն (21):
