Վրաստանի հավաքականի հարձակվող Ժորժ Միկաուտաձեն կարող է տեղափոխվել Պրեմիեր Լիգա։

Ինչպես հայտնում է TodoFichajes-ը, «Վեսթ Հեմը» 24-ամյա վրացու տրանսֆերի համար առաջարկ է պատրաստում «Լիոնին»։ Միկաուտաձեն լոնդոնյան ակումբին գրավում է ոչ միայն իր գոլային որակներով, այլև թիմակիցների համար պահեր ստեղծելու ունակությամբ։

Ֆրանսիական ակումբը չի շտապում որոշում կայացնել ֆուտբոլիստի հարցում, քանի որ նրա հեռանալը հարված կհասցնի թիմի մարզական հավակնություններին։

Transfermarkt պորտալը ֆուտբոլիստին գնահատում է 18 միլիոն եվրո։