Ինչպես հայտնում է լրագրող Խավի Միգելը «Բարսելոնայի» հիմնական բժիշկ Կարլես Մինյառոյի մահից հետո Հանսի Ֆլիկը, Լապորտայի աջակցությամբ, ստիպված էր դառնալ թիմի ոչ պաշտոնական հոգեբանը։
Գերմանացի մարզիչը երկու օր շարունակ անցկացրել է խմբային թերապիայի հանդիպումներ, որպեսզի ֆուտբոլիստները կարողանան արտահայտել իրենց հույզերը։
Դանի Օլմոն և Գավին հատկապես ծանր են տարել այս կորուստը, քանի որ Մինյառոյի հետ նրանք առանձնահատուկ հարաբերություններ ունեին։
Գավին վաղուց էր ճանաչում նրան, քանի որ նա մտերիմ էր իր հոր ընկերական շրջապատի հետ, իսկ Օլմոյի վերականգնման վերջին փուլում բժիշկը շատ ուշադիր հետևում էր նրան։
Ֆլիկը նաև փորձել է մխիթարել Ռիկարդ Պրունային, առաջին թիմի գլխավոր բժշկին, որը ծանր էր տանում իր մտերիմ գործընկերոջ կորուստը։
Հիշեցնենք, որ բժիշկը մահացել է «Բարսելոնա» – «Օսասունա» խաղից րոպեներ առաջ, ինչից հետո խաղը հետաձգվել է։
