«Արսենալի» գլխավոր մարզիչ Միկել Արտետան բացատրել է, թե ինչու թիմը ձախողվեց Պրեմիեր Լիգայի 28-րդ տուրի «Մանչեսթեր Յունայթեդի» դեմ խաղում։
Հանդիպումը ավարտվեց ոչ-ոքի՝ 1։1 հաշվով։
«Առաջին խաղակեսում մենք հիանալի էինք գործում, բայց չփորձարկեցինք հակառակորդի դարպասապահին։ Մի քանի հիանալի իրավիճակներ ունեինք, բայց մեզ պակասում էր հարվածը կամ վերջնական փոխանցումը։ Մենք չօգտվեցինք այս պահերից, շտապում էինք, սկսեցինք պարտվել մարտերում և ի վերջո կարող էինք պարտություն կրել։
Երբեմն մեզ պակասում է պահը գիտակցելու կարողությունը։ Գնդակը պետք է ճիշտ ֆուտբոլիստի մոտ հայտնվի, իսկ նա պետք է կատարի հարվածը»,- Արտետայի խոսքերն է մեջբերում BBC-ն։
Հիշեցնենք, որ «Արսենալը» 55 միավորով երկրորդն է Պրեմիեր Լիգայի մրցաշարային աղյուսակում՝ 15 միավորով զիջելով առաջատար «Լիվերպուլին»։ «Մանչեսթեր Յունայթեդը» 34 միավորով 14-րդ տեղում է։
