«Մանչեսթեր Յունայթեդը» գոհ է թիմի հարձակվող Ջոշուա Զիրկզեից։ Այս մասին հայտնում է GiveMeSport-ը: Ըստ աղբյուրի՝ «կարմիր սատանաներին» դուր է գալիս հոլանդացի հարձակվողի խաղը, ինչի պատճառով ակումբը չի ցանկանում վաճառել խաղացողին։
Ընդգծվում է, որ ինքը՝ Զիրկզեն, չի ծրագրում հեռանալ անգլիական գրանդից։ Նա «Մանչեսթեր Յունայթեդ» է տեղափոխվել 2024 թվականի ամռանը։ Այս ընթացքում նա բոլոր մրցաշարերում անցկացրել է 41 խաղ, խփել վեց գոլ և կատարել երկու գոլային փոխանցում։
23-ամյա Զիրկզեի պայմանագիրը «Մանչեսթեր Յունայթեդի» հետ նախատեսված է մինչև 2029 թվականի կեսերը: Transfermarkt-ի փորձագետները հարձակվողի արժեքը գնահատում են 42 միլիոն եվրո:
