Անցած մրցաշրջանում Սաուդյան Արաբիայի «Ալ-Հիլալը» պատրաստ էր 100 միլիոն եվրո վճարել «Բարսելոնային» վինգեր Ռաֆինյային գնելու համար, ինչպես նաև առաջարկել էր բրազիլացուն 15 միլիոն եվրո աշխատավարձ: Այս մասին հայտնում է Relevo-ն։
Աղբյուրի փոխանցմամբ՝ կատալոնական ակումբը գիտի, որ Սաուդյան Արաբիայի ակումբները շարունակում են հետաքրքրություն ցուցաբերել Ռաֆինյայի նկատմամբ՝ չնայած այս պահին նրա համար կոնկրետ առաջարկի բացակայությանը։
«Բարսելոնան» մտադիր է թիմում պահել բրազիլացի հարձակվողին և նրա համար նոր պայմանագիր է պատրաստում, որով նա կդառնա իսպանական գրանդի ամենաբարձր վարձատրվող ֆուտբոլիստներից մեկը։
Նշենք, որ 28-ամյա հարձակվողի գործող աշխատանքային պայմանագիրը նախատեսված է մինչև 2027 թվականի ամառը։
Ավելի վաղ հաղորդվում էր, որ «Բարսելոնան» պատրաստ է երկարաձգել ֆուտբոլիստի պայմանագիրը մինչև 2030 թվականը։
