«Բարսելոնան» բանակցություններ է վարում 27-ամյա կիսապաշտպան Ֆրենկի դե Յոնգի հետ պայմանագիրը երկարաձգելու շուրջ։ Այս մասին հայտնում է Sport.es-ը։

Աղբյուրի համաձայն՝ անցած փետրվարին «Բարսելոնայի» մարզական տնօրեն Դեկուն հանդիպել է հոլանդացի ֆուտբոլիստի ներկայացուցիչների հետ և նոր աշխատանքային պայմանագրի առաջարկ փոխանցել։ Ընդգծվում է, որ կատալոնական ակումբը Դե Յոնգին առաջարկում է երեք տարվա պայմանագիր՝ տարեկան 18-19 միլիոն եվրո աշխատավարձով։ «Բարսելոնան» 27-ամյա կիսապաշտպանից պատասխան է սպասում առաջիկա շաբաթներին։

Միևնույն ժամանակ, ֆուտբոլիստը նոր պայմանագրում նախատեսված չեն վճարումներ, որոնք ակումբը պարտավոր է ֆուտբոլիստին որպես հետաձգված աշխատավարձ 2020 թվականի համաճարակի ժամանակաշրջանի համար։

Այս մրցաշրջանում Դե Յոնգը բոլոր մրցաշարերում անցկացրել է 28 հանդիպում՝ դառնալով երկու գոլի և մեկ գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2026 թվականի ամառը։

Transfermarkt-ը ֆուտբոլիստի արժեքը գնահատում է 45 միլիոն եվրո։