Մյունխենի «Բավարիայի» վինգեր Մայքլ Օլիսեն կարող է վերադառնալ Պրեմիեր լիգա: 23-ամյա ֆուտբոլիստով հետաքրքրված է «Մանչեսթեր Սիթին»:

Ինչպես հաղորդում է Transfer News Live-ը, «քաղաքայինների» գլխավոր մարզիչ Խոսեպ Գվարդիոլան անձամբ է հետաքրքրված ֆրանսիացուն հրավիրելու հարցում։ Իսպանացին մյունխենցիների աստղին համարում է ամառային տրանսֆերային պատուհանի առաջնահերթ նպատակներից մեկը։

Մայքլ Օլիսեն «Բավարիա» է տեղափոխվել անցյալ տարվա հուլիսին Լոնդոնի «Քրիսթալ Փելասից» 53 միլիոն եվրոյի դիմաց: Ֆուտբոլիստի ներկայիս արժեքը, Transfermarkt-ի փորձագետների կարծիքով, կազմում է 65 միլիոն եվրո:

Վինսան Կոմպանիի թիմի կազմում անցկացրած 36 խաղում եզրային հարձակվողը խփել է 13 գոլ և կատարել 12 արդյունավետ փոխանցում։