Նեյմարի առաջին եվրոպական ակումբը կարող էր լինել «Բավարիան»։ 2013 թվականին մյունխենյան գրանդը հետաքրքրված էր բրազիլացուն ծառայություններով, ով այն ժամանակ հանդես էր գալիս «Սանթոսում»: Խոսեպ Գվարդիոլան անձամբ է պնդել, որ պայմանագիրը ստորագրվի:
«Ես գրեթե տեղափոխվել էի «Բավարիա» Գվարդիոլայի շնորհիվ։ Ես Շվեյցարիայում էի, որտեղ պետք է ստանայի Պուշկաշի մրցանակը։ Այնտեղ Գվարդիոլան կապ հաստատեց ինձ հետ։ Նա ցանկանում էր ինձ հրավիրել այն ակումբ, որը պատրաստվում էր գլխավորել:
Պեպը հանեց նոութբուք և թուղթ, որպեսզի ցույց տա իր ծրագրերը և ասաց, որ կփոխի թիմը, եթե ես մեկ տարվա ընթացքում 60 գոլ չխփեմ: Նա չցանկացավ ասել, թե որ ակումբում կաշխատի, բայց ես, այնուամենայնիվ, համոզեցի նրան խոստովանել, որ խոսքը «Բավարիայի» մասին էր։
«Ես գիտեմ, որ այնտեղ ցուրտ է, Բարսելոնան կամ Մադրիդը չէ, բայց ես կհոգամ քո մասին, ես քեզ լավագույնը կդարձնեմ»:
Ես որոշեցի տեղափոխվել «Բարսելոնա», թեև դիտարկում էի «Բավարիայի» հետ պայմանագիր կնքելու տարբերակը»,- ասել է Նեյմարը Podpah-ին տված հարցազրույցում:
