«Մանչեսթեր Յունայթեդը» պատրաստվում է խոշոր տրանսֆեր իրականացնել

«Լայպցիգի» պաշտպան Կաստելլո Լուկեբան գրավել է «Մանչեսթեր Յունայթեդի» ուշադրությունը։ Այս մասին հայտնում է Todofichajes-ը։

Անգլիական ակումբը ցանկանում է ձեռք բերել 22-ամյա ֆուտբոլիստին մինչև հաջորդ մրցաշրջանի մեկնարկը։

Ըստ աղբյուրի՝ պաշտպանի տրանսֆերային արժեքը կազմում է 90 մլն եվրո։ Սակայն «կարմիր սատանաների» ղեկավարությունը հույս ունի համաձայնության գալ ֆուտբոլիստի տրանսֆերի շուրջ 75 միլիոն եվրոյի դիմաց։

Ֆուտբոլիստի պայմանագիրը «Լայպցիգի» հետ նախատեսված է մինչև 2029 թվականի հունիսի վերջը։

Բունդեսլիգայի ընթացիկ մրցաշրջանում Լուկեբան անցկացրել է 13 հանդիպում, սակայն արդյունավետ գործողություններով աչքի չի ընկել։