«Ինտեր Մայամիի» և Արգենտինայի հավաքականի հարձակվող Լիոնել Մեսսին մոտ ժամանակներս կվերադառնա «Բարսելոնա»։ Այս մասին հայտնում է լրագրող Ալեքս Կանդալը, ով առաջինն է տվել ներքին տեղեկություն Մեսսիի՝ «Ինտեր Մայամի» տեղափոխվելու մասին։

Աղբյուրի փոխանցմամբ՝ Մեսսին պատրաստ չէ ավարտել կարիերան՝ չխաղալով վերանորոգված «Կամպ Նոու» մարզադաշտում։

Հիշեցնենք, որ Մեսսին «Ինտեր Մայամիին» է միացել 2023 թվականի ամռանը։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2025 թվականի ավարտը։

Աշխարհի չեմպիոնը կատալոնական գրանդի կազմում մասնակցել է 778 հանդիպման՝ դառնալով 672 գոլի և 303 գոլային փոխանցման հեղինակ։