«Լիվերպուլի» գլխավոր մարզիչ Արնե Սլոտը մեկնաբանել է թիմի հարձակվող Մոհամեդ Սալահի աշխատանքային պայմանագրի շուրջ ստեղծված իրավիճակը։
«Եթե նա շարունակի այսպես խաղալ, նրա արժեքը միայն կբարձրանա։ Եթե Սալահը նման մակարդակով չխաղար, ակումբը կարող էր կասկածներ ունենալ նոր գործարքի հարցում։ Հուսով ենք, որ Սալահի պայմանագիրը երկարաձգվի»,- Սլոտի խոսքերն է մեջբերում ինսայդեր Ֆաբրիցիո Ռոմանոն։
32-ամյա ֆուտբոլիստի գործող պայմանագիրը «Լիվերպուլի» հետ ավարտվում է հաջորդ ամառ։
Այս մրցաշրջանում Սալահը «Լիվերպուլի» կազմում անցկացրել է 38 հանդիպում, դառնալով՝ 30 գոլի և 21 գոլային փոխանցման հեղինակ։
