«Ատալանտայի» հարձակվող Ադեմոլա Լուկմանը հերթական անգամ գրավել է Լոնդոնի «Թոթենհեմի» ուշադրությունը։ Այս մասին հայտնում է GiveMeSport-ը։

Ըստ աղբյուրի՝ հաջորդ ամառ լոնդոնցիները մտադիր են կրկին պայքարել 27-ամյա ֆուտբոլիստի համար, ով կոնֆլիկտ է ունեցել «Ատալանտայի» գլխավոր մարզիչ Ջան Պիերո Գասպերինիի հետ։

Այս մրցաշրջանում Լուկմանը մասնակցել է 28 հանդիպման բոլոր մրցաշարերում՝ դառնալով 15 գոլի և յոթ գոլային փոխանցման հեղինակ։ Լուկմանի պայմանագիրն «Ատալանտայի» հետ նախատեսված է մինչև 2026 թվականի ամառը։

Transfermarkt-ը ֆուտբոլիստի արժեքը գնահատում է 55 միլիոն եվրո։