«Բարսելոնայի» հարձակվող Վիտոր Ռոկեն կարող է շատ շուտով վերադառնալ հայրենիք։ «Պալմեյրասը» հետաքրքրված է վարձավճարով «Բետիսում» խաղացող Ռոկեին ձեռք բերելու հարցում։
Օրերս հայտնի դարձավ «կապտանռնագույնների»՝ հարձակվողին վաղաժամկետ վարձակալությունից վերադարձնելու մտադրության մասին՝ հետագա վաճառքի համար։
Ինչպես տեղեկացնում է Diario Sport-ը, «Բարսելոնան» Ռոկեին բաց կթողնի «Պալմեյրաս», եթե նա համաձայնության գա Սան Պաուլոյի ակումբի հետ: Երկու հնարավոր տարբերակ կա՝ ուղղակի վաճառք 27 միլիոն եվրոյով կամ վճարովի վարձակալություն՝ 25 միլիոնով գնման տարբերակով։
Բրազիլիայում տրանսֆերային պատուհանը բաց է մինչև փետրվարի վերջ։ Վիտոր Ռոկեն «Բետիսի» կազմում անցկացրել է 32 հանդիպում։ 19-ամյա ֆուտբոլիստը «Սևիլիայի» կազմում դարձել է 7 գոլի և 2 գոլային փոխանցման հեղինակ։
