Լա Լիգայի մրցավարության աշխատանքը վերջին շաբաթների ընթացքում դարձել է եվրոպական ֆուտբոլի ամենաքննարկվող թեմաներից մեկը։ Իսպանիայի բարձրագույն դիվիզիոնի ակումբները գնալով ավելի բացահայտ դժգոհություն են հայտնում մրցավարների աշխատանքից։
Ամենավառ օրինակը Մադրիդի «Ռեալն» է, որի ներկայացուցիչները չխուսափեցին բացահայտ քննադատությունից «Օսասունայի» դեմ վերջին խաղից հետո, որում խաղադաշտից հեռացվեց Ջուդ Բելինգհեմը։
Ինչպես հայտնում է Marca-ն, իսպանացի դատավորները լրջորեն մտածում են բողոքի ակցիայի մասին, քանի որ սխալ են համարում իրենց նկատմամբ վերաբերմունքը։ Երկուշաբթի օրը «Բարսելոնայի» հաղթանակը «Ռայո Վալեկանոյի» դեմ 1:0 հաշվով նույնպես առանց արձագանքների չմնաց, սակայն մադրիդյան ակումբի մարզիչն ու նախագահը որոշել են աջակցել մրցավարին՝ հաշվի առնելով առաջնությունում տիրող իրավիճակը:
