«Այաքսի» և Հունաստանի ազգային հավաքականի նախկին գլխավոր մարզիչ՝ Ջոն վան’տ Սխիպը կգլխավորի Հայաստանի ազգային հավաքականը: 61-ամյա նիդերլանդացի մարզչի օգնականի պարտականությունները կկատարի «նարնջագույնների» հավաքականի նախկին ֆուտբոլիստ Արոն Վինտերը:

ՀՖՖ նախագահ Արմեն Մելիքբեկյանն այսօր ներկայացրել է Ջոն վան’տ Սխիպին ՀՖՖ Գործադիր կոմիտեի անդամներին: ՀՖՖ Գործկոմը հաստատել է վան’տ Սխիպի թեկնածությունը Հայաստանի Ազգային հավաքականի գլխավոր մարզչի պաշտոնում:

Ջոն վան’տ Սխիպն իր անմիջական պարտականություններին կանցնի 2025 թ. մարտի 1-ից:

Նիդերլանդցի մարզիչն իր կարիերայի ընթացքում հասցրել է մարզել այնպիսի թիմեր, ինչպիսիք են «Այաքսը», «Տվենտեն», «Մելբուռն Սիթին», Հունաստանի հավաքականը, և այլն։ Մասնագետը աշխատել է նաև, որպես Նիդերլանդների հավաքականի գլխավոր մարզչի օգնական` լեգենդար Մարկո Վան Բասթենի օրոք:

Ֆուտբոլիստի կարիերայի ընթացքում նախկին վիգերը Նիդերլանդների հավաքականի կազմում դարձել է Եվրոպայի չեմպիոն (1988), «Այաքսի» կազմում  4 անգամ նվաճել է Նիդերլանդների չեմպիոնի տիտղոսը, և 3 անգամ՝ Նիդերլանդների գավաթը, ՈՒԵՖԱ-ի Գավաթակիրների Գավաթի (1986/87) և ՈՒԵՖԱ-ի գավաթը (1991/92)։