«Օսասունայի» երկրպագուները բղավել են «Վինիսիուս, մեռիր» Մադրիդի «Ռեալի» հետ Լա Լիգայի 24-րդ տուրի հանդիպման ժամանակ։ Այս մասին հայտնում է Movistar-ը։
Ինչպես հայտնում է Sport.es-ը, հանդիպման գլխավոր մրցավար Խոսե Մունուերա Մոնտերոն հետխաղյա արձանագրության մեջ չի արտացոլել «սերուցքայինների» հարձակվող Վինիսիուս Ժունիորի հասցեին ուղղված նման վանկարկումների փաստը։ Այնուամենայնիվ, մեծ է հավանականությունը, որ «Օսասունայի» երկրպագուների նման պահվածքը գրանցվել է Լա Լիգայի պատվիրակի կողմից։
Այս մրցաշրջանում Վինիսիուսը բոլոր մրցաշարերում անցկացրել է 31 հանդիպում՝ դառնալով 16 գոլի և 12 գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2027 թվականի ամառ։
