Մադրիդի «Ռեալի» բրազիլացի հարձակվող Վինիսիուս Ժունիորը կարող է հեռանալ ակումբից։ Ինչպես հայտնում է Relevo-ն, Մադրիդի «Ռեալը» ֆուտբոլիստների համար սահմանել է աշխատավարձի շեմ, որը ակումբի ղեկավարությունը մտադիր չէ գերազանցել անգամ հանուն Վինիսիուսի։
Աղբյուրի համաձայն՝ բրազիլացին այժմ ավելի մոտ է Սաուդյան Արաբիա տեղափոխվելուն, քան «Լոս Բլանկոսի» հետ պայմանագիրը երկարաձգելուն: Ավելի վաղ տեղեկություն էր հայտնվել այն աշխատավարձի մասին, որ Վինիսիուսին առաջարկում են Սաուդյան Արաբիայում։
24-ամյա խաղացողի գործող պայմանագիրը «Ռեալի» հետ նախատեսված է մինչև 2027 թվականի հունիսը: Transfermarkt հեղինակավոր պորտալի փորձագետները հարձակվողի շուկայական արժեքը գնահատում են 200 մլն եվրո։
