«Մանչեսթեր Յունայթեդի» կիսապաշտպան Կազեմիրոն կարող է կարիերան շարունակել Բրազիլիայի առաջնությունում։ Այս մասին հայտնում է ինսայդեր Նիկոլո Շիրան։
Աղբյուրի համաձայն՝ բրազիլացի կիսապաշտպանի ծառայություններով հետաքրքրված է «Ֆլամենգոն»։ Անգլիական թիմը պատրաստ է Կազեմիրոյին վարձավճարով ուղարկել և վճարել նրա աշխատավարձի մի մասը։
Այս մրցաշրջանում 32-ամյա կիսապաշտպանը անցկացրել է 24 հանդիպում՝ դառնալով երեք գոլի հեղինակ։ Կազեմիրոյի պայմանագիրը «կարմիր սատանաների» հետ նախատեսված է մինչև 2026 թվականի կեսերը։
Ֆուտբոլիստի տրանսֆերային արժեքը գնահատվում է 12 միլիոն եվրո։
