«Մանչեսթեր Սիթիի» գլխավոր մարզիչ Պեպ Գվարդիոլան պատասխանել է այն հարցին, թե արդյոք կիսապաշտպան Նիկո Գոնսալեսը կխաղա Չեմպիոնների Լիգայի փլեյ-օֆֆի Մադրիդի «Ռեալի» դեմ խաղում։
Հիշեցնենք, որ ֆուտբոլիստը վնասվածք էր ստացել Անգլիայի գավաթի 1/16-րդ եզրափակչի՝ «Լեյթոն Օրիենտի» դեմ «Քաղաքայինների» կազմում իր նորամուտի խաղում։
«Պատրա՞ստ է Նիկոն դիմակայել «Ռեալին». Հուսով եմ, որ այդպես է։ Մենք դեռ մի քանի օր ունենք որոշելու, թե արդյոք նա կարող է խաղալ»,- Գվարդիոլայի խոսքը մեջբերում է «Մանչեսթեր Սիթիի» մամուլի ծառայությունը։
«Մանչեսթեր Սիթին» փետրվարի 4-ին հայտարարեց Նիկո Գոնսալեսի «Պորտուից» տեղափոխության մասին։
