«Կոմոյի» գլխավոր մարզիչ Սեսկ Ֆաբրեգասը ցանկանում է ուժեղացնել իր թիմը աստղային դարպասապահով։ Ինչպես տեղեկացնում է Todofichajes-ը, մասնագետը հետաքրքրված է 34-ամյա իսպանացի Դավիդ դե Խեայով, ով ներկայումս հանդես է գալիս իտալական մեկ այլ ակումբում՝ «Ֆիորենտինայում»:
Ակումբը կարող է Դե Խեային պայմանագիր առաջարկել ընթացիկ մրցաշրջանի ավարտից հետո։ Դավիդը կարող է դառնալ ազատ գործակալ, քանի որ նրա պայմանագիրը «մանուշակների» հետ ավարտվում է 2025 թվականի հունիսի վերջին։
Իսպանացու տրանսֆերային արժեքը գնահատվում է հինգ միլիոն եվրո։ Իտալիայի առաջնության ընթացիկ մրցաշրջանում Դե Խեան անցկացրել է 20 հանդիպում։
