«Մանչեսթեր Սիթիի» գլխավոր մարզիչ Պեպ Գվարդիոլան պատասխանել է այս մրցաշրջանում կիսապաշտպան Ջեկ Գրիլիշի խաղաժամանակի մասին հարցին։
«Ես շատ եմ ցավում, երբ ֆուտբոլիստները ստանում են ավելի քիչ րոպեներ, քան նրանք, հավանաբար, արժանի են։ Բայց, ի վերջո, այս մրցաշրջանում Դոկուն և Սավիոն մեծ առավելություն են ունեցել թիմի համար։ Սա միակ պատճառն է, որ Գրիլիշը շատ չի խաղում։ Խոսքը իմ անձնական վերաբերմունքի կամ այն բանի մասին չէ, որ ես չեմ սիրում նրան»,- Գվարդիոլայի խոսքերը մեջբերում է BBC-ն։
Ընթացիկ մրցաշրջանում 29-ամյա ֆուտբոլիստը բոլոր մրցաշարերում 22 հանդիպում է անցկացրել «Մանչեսթեր Սիթիի» կազմում՝ դառնալով 2 գոլի և 4 գոլային փոխանցման հեղինակ։
