«Մանչեսթեր Յունայթեդի» համասեփականատեր Ջիմ Ռեթքլիֆը ցանկանում է ձեռք բերել 31-ամյա հարձակվող Հարի Քեյնին, ով ներկայումս հանդես է գալիս Մյունխենի «Բավարիայում»։ Այս մասին հայտնում է TBR Football-ը։

Աղբյուրի համաձայն՝ անգլիացի միլիարդատերը Քեյնի մեծ երկրպագուն է և մտածում էր նրան գնել 2023 թվականին։

Ավելի վաղ ԶԼՄ-ները հայտնում էին, որ 2026 թվականի ձմռանը «Բավարիայի» հարձակվողի պայմանագրում կներառվի 65 միլիոն եվրո ազատման կետ։

Քեյնը միացել է «Բավարիային» 2023 թվականի ամռանը։ Այս ընթացքում նա բոլոր մրցաշարերում մասնակցել է 72 հանդիպման, որոնցում դարձել է 70 գոլի և 22 գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ նախատեսված է մինչև 2027 թվականի ամառը։