«Բարսելոնայի» գլխավոր մարզիչ Հանս-Դիտեր Ֆլիկը նշել է խաղի մի կողմ, որտեղ իր թիմը կարող է կատարելագործվել:
Հինգշաբթի օրը կատալոնացիները վստահորեն դուրս եկան Իսպանիայի գավաթի խաղարկության կիսաեզրափակիչ՝ արտագնա խաղում 5:0 հաշվով հաղթելով «Վալենսիային»: Ֆլիկի թիմն այս մրցաշրջանում իր 35 խաղերից 16-ում հաղթել է՝ ընդհանուր առմամբ խփելով 109 գոլ:
Այնուամենայնիվ, ըստ գերմանացի մարզչի, կան որոշ բաներ, որոնք «Բարսան» պետք է բարելավի:
«Մենք կարող ենք ավելի լավ խաղալ։ Ինչպես նախկինում ասացի, երբեմն օգտակար է պարզապես պահել գնդակը և թույլ տալ, որ մրցակիցները վազեն: Սա օգնում է թիմին խնայել էներգիան: Մենք պետք է աշխատենք այս ասպեկտի վրա, մենք շատ ենք խոսում այդ մասին»,- Ֆլիկի խոսքերն է մեջբերում Barca Universal-ը:
