«Միլանի» հարձակվող Ալվարո Մորատան շուտով կտեղափոխվի թուրքական «Գալաթասարայ»։

Ակումբները համաձայնության են եկել գործարքի բոլոր պայմանների շուրջ, հայտնում է ինսայդեր Ֆաբրիցիո Ռոմանոն թարմացված զեկույցում։

«Գալաթասարայը» վարձակալելու է իսպանացուն մինչև մրցաշրջանի ավարտը՝ ևս մեկ տարով երկարաձգելու հնարավորությամբ, իսկ պայմանագիրը կներառի նաև գնման տարբերակ։

Մնում է լրացնել անհրաժեշտ փաստաթղթերը, որից հետո պաշտոնապես կհայտարարվի տրանսֆերի մասին։

Խաղացողն արդեն պատրաստվում է մեկնել Ստամբուլ։ Ալվարո Մորատան «Միլան» է տեղափոխվել 2024 թվականի հուլիսին Մադրիդի «Ատլետիկոյից»:

32-ամյա հարձակվողը «ռոսոներիների» կազմում անցկացրած 25 խաղում դարձել է 6 գոլի և 2 գոլային փոխանցման հեղինակ։