Մադրիդի «Ռեալի» վինգեր Վինիսիուս Ժունիորը ցանկություն է հայտնել դեռ երկար տարիներ խաղալ մադրիդյան թիմի կազմում։
«Ինձ համար շատ կարևոր էր այս ակումբում 100 գոլ խփել և պատմություն կերտել։ Պատմություն կերտելը 24 տարեկանում և յոթ մրցաշրջաններից հետո մի բան է, որը շատ կարևոր է ինձ և իմ ամբողջ ընտանիքի համար։ Հուսով եմ, որ կարող եմ մնալ այստեղ դեռ երկար տարիներ։
Շատ ֆուտբոլիստներ չեն կարողացել 100 գոլ խփել «Ռեալի» կազմում։ Նրանց թվում է իմ կուռքերից մեկը՝ Ռոնալդուն Նազարիոն, ով ինձ միշտ շատ խորհուրդներ էր տալիս, օրինակ՝ ինչպես ավելի լավ խաղալ դարպասին դիմակայելիս։ Կրիշտիանու Ռոնալդուն նրանցից մեկն է։
Դրանք այն ֆուտբոլիստներն են, որոնց ես դիտել եմ և ովքեր դարաշրջան են նշել այս ակումբում։ Հուսով եմ, որ կարող եմ գնալ նրանց հետքերով»,- ասել է Վինիսիուսը «Լոս Բլանկոսի» ակումբային հեռուստատեսությանը։
Ավելի վաղ հաղորդվում էր, որ ֆուտբոլիստը անորոշ է ակումբում իր ապագայի հարցում Սաուդյան Արաբիայից իր նկատմամբ հետաքրքրության պատճառով։
