Երևանի «Արարատի» և բելգիական «Գենտի» միջև համաձայնություն է ձեռք բերվել իվուարցի 19-ամյա հարձակվող Բայ Քրիստ Հիլարիոն Գուռի տեղափոխության շուրջ։ Ֆուտբոլիստն ավարտում է իր ելույթներն «Արարատի» կազմում և տեղափոխվում է «Գենտ»։ Այս մասին հայտնում է երևանյան թիմի մամուլի ծառայությունը։
«Ցանկանում եմ շնորհակալություն հայտնել «Արարատին» այն ամենի համար ինչ ինձ տվել է աշխատանքի, մտածողության և մնացած բոլոր առումներով։ Շնորհակալ եմ նաև թիմի շուրջ գտնվող բոլոր մարդկանց, ովքեր աշխատում էին մեզ հետ՝ ակումբի ղեկավարությանը, մարզչական շտաբին ու բոլոր աշխատակիցներին։ Ես իսկապես շատ շնորհակալ եմ ամեն ինչի համար»,- նշել է Քրիստ Գուռը։
Քրիստ Գուռն 2024/25 մրցաշրջանում «Արարատի» կազմում մասնակցել է Fastex Պրեմիեր լիգայի 14 խաղի, դարձել է 6 գոլի և մեկ գոլային փոխանցման հեղինակ։
