Լոնդոնի «Արսենալին» առաջարկվել է «Սպարտակի» կոստառիկացի հարձակվող Մանֆրեդ Ուգալդեի ծառայությունները։ Այս մասին հայտնում է լրագրող Գրեհեմ Բեյլին։
Ըստ աղբյուրի՝ երկուշաբթի օրը «զինագործների» ղեկավարությանը առաջարկվել է երեք հարձակվող, որոնց թվում է եղել 22-ամյա Ուգալդեն։ Ցուցակում էր նաև «Յուվենտուսի» հարձակվող Մոյզե Կինը, ինչպես նաև «Ատալանտայի» հարձակվող Մատեո Ռետեգին:
Այս մրցաշրջանում Ուգալդեն արդեն 15 գոլ է խփել Ռուսաստանի առաջնությունում և կատարել 3 գոլային փոխանցում 18 խաղում։ Transfermarkt պորտալի փորձագետները ֆուտբոլիստի արժեքը գնահատում են 15 մլն եվրո։
