Մադրիդի «Ռեալի» կիսապաշտպան Ջուդ Բելինգհեմը մրցանակի է արժանացել Իսպանիայում։ Անգլիացին ճանաչվել է Իսպանիայի առաջնության հունվար ամսվա լավագույն երիտասարդ ֆուտբոլիստ։
Խոսքը մինչեւ 23 տարեկան տարիքային կատեգորիայի խաղացողների մասին է։ Անցած մեկ ամսվա ընթացքում Բելինգհեմը մասնակցել է Իսպանիայի առաջնության երեք հանդիպման։ Դրանցում Մադրիդի «Ռեալի» կիսապաշտպանը մեկ գոլի հեղինակ է դարձել և երկու գոլային փոխանցում կատարել թիմակիցներին։
Այս երեք խաղերում «սերուցքայինները» հաղթել են Վալենսիային (2:1), Լաս Պալմասին (4:1) և Վալյադոլիդին (3:0): Մադրիդի «Ռեալը» այժմ գլխավորում է Լա լիգայի մրցաշարային աղյուսակը։ Երկրորդ տեղը զբաղեցրած «Ատլետիկոն» զիջում է չորս միավորով, երրորդը` «Բարսելոնան» 7 միավորով:
