«Մանչեսթեր Յունայթեդի» գլխավոր մարզիչ Ռուբեն Ամորիմը կիսվել է ակումբի տրանսֆերային աշխատանքի վերաբերյալ իր մտքերով։ «Կարմիր սատանաները» կապվում էին մի շարք խաղացողների հետ, սակայն ձմեռային տրանսֆերային պատուհանում Ամորիմի թիմում ոչ մի պայմանագիր չի գրանցվել:
«Տրանսֆերնե՞ր․․․ Մենք պետք է զգույշ լինենք։ Կան կանոններ, և դուք գիտեք, որ մենք պետք է հետևենք դրանց: Նախկինում թույլ են տրվել սխալներ, որոնք մենք չենք կարող կրկնել»,- ասել է պորտուգալացի մարզիչը TNT Sports-ին՝ մատնանշելով ակումբի բազմաթիվ անհաջող ձեռքբերումները, որոնք կատարվել են մինչ իր ժամանելը:
Կիրակի օրը «Մանչեսթեր Յունայթեդը» արտագնա խաղում 1:0 հաշվով հաղթել է «Ֆուլհեմին»: Մանկունիացիները 23 տուրից հետո զբաղեցնում են Պրեմիեր լիգայի մրցաշարային աղյուսակի 12-րդ հորիզոնականը։
