«Միլանի» նախագահը գնահատել է ակումբի աշխատանքը ձմեռային տրանսֆերային պատուհանի ժամանակ։
Ուրբաթ օրը ակումբը հայտարարեց Քայլ Ուոքերին «Մանչեսթեր Սիթիից» վարձավճարով ձեռք բերելու մասին՝ 5 միլիոն եվրոյով գնելու հնարավորությամբ:
«Ես հանդիպեցի Ուոքերին հինգշաբթի օրը և կարող եմ ձեզ վստահեցնել, որ նա խաղացող է, ով ցանկանում է հաղթել և սովոր է դրան, նա կուժեղացնի «Միլանը» և կբերի նոր կիրք:
Հունվարյան տրանսֆերային պատուհանը միշտ բարդ է, և ես վստահ չեմ, որ մենք կարող ենք ուժեղացնել մեր հարձակումը: Տեսնենք, ես խոսել եմ գործադիր տնօրենի հետ, նա զբաղվում է այս հարցերով: Բայց մենք, անշուշտ, շատ ենք ջանում ուժեղ «Միլան» կառուցելու համար:
Մենք ցանկանում ենք, որ երկրպագուները հետաքրքրվեն թիմով, և դա այն է, ինչ ցանկանում են նաև Կարդինալեն, խաղացողներն ու մարզիչը: Հուսով եմ, որ բոլորն աջակցում են «Միլանին», ինչպես նախորդ տարի: Մեզ պետք է մեր երկրպագուների աջակցությունը։ Վստահ եմ, որ երկրպագուները կլսեն մեզ»,- ասել է Պաոլո Սկարոնին DAZN-ին տված հարցազրույցում։
